$$&(نــغــمــا ت الســنــدريــلا)&$$
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

$$&(نــغــمــا ت الســنــدريــلا)&$$

ترقرقت دموع الحياه فقمت وقلت لا
 
الرئيسيةأحدث الصورالتسجيلدخول

 

 قرب رمضان @ احظة صراحة؟؟

اذهب الى الأسفل 
2 مشترك
كاتب الموضوعرسالة
samy kamel
مســاعد المــديـــر
مســاعد  المــديـــر
samy kamel


عدد الرسائل : 281
العمر : 35
الموقع : love4ever.forum0.net
تاريخ التسجيل : 05/09/2007

قرب رمضان @ احظة صراحة؟؟ Empty
مُساهمةموضوع: قرب رمضان @ احظة صراحة؟؟   قرب رمضان @ احظة صراحة؟؟ Icon_minitimeالأربعاء سبتمبر 05, 2007 10:47 pm

لحظة هامة وتحتاج شجاعة مني ومنكم...
لحظة صراحة...

لحظة تقول لكل اللى حواليك... ستوووووووووووووووووووووب

وقف....

وقف...

استنى مش عايز اى داوشة ولا حركة!!

انا دلوقتي عايز لحظة صدق مع قلبي...معاه

هو انا رايح فين... رمضان اللى فات.. وبعد ما خلص.. حسيت بحاجه جوه قلبي... وقولت ياريتني عملت كذا وكذا
فاكر اخر عشر ليالي!!! ...
وفاكر اخر ليلة!!!

حسيت بالتقصير ... حسيت اني ضيعت كتير اوي... حسيت ان في ناس سبقت بكتير اوي
سمعت بكائهم في الصلاة... شوفت وشوشهم في الشوارع..
قد ايه كتير بشوف وشوش ناس ندمانين على كتير اوي ضاع منهم وهما بعيد....

وكتير حسيت انهم سبقوني وانا مش عارف ابقى زيهم...
وكتير حسيت اني كويس وربنا كرمني وخلاص نويت ارجع ومابعدش تاني...
وكتير حسيت انى تايه... بمشي شوية وبقف شويتين...
وكتير بحس انى جريت سبقت كل الناس... وانا لوحدي للى قريب...

بس اخر ليلة فى رمضان... بحس جوايا بحاجه... وبنويها... المرة دي مش هابعد تاني.. ورمضان اللى جاي احسن من اللى قبله...

رمضان اللى جاي هايكون..."احلي رمضان فى حياتي"
ولعله ....اخر رمضان فى حياتي
هاوضب له من دلوقتي.. لاني اشتقت له من دلوقتي...
مش عايز ارجع للمعصية....
مش عايز ارجع للتقصير...
مش عايز احس انى عرفت ... ومتحركتش...
مش عايز اسمع الاية دي واحس اني من اهل العذاب... ولو لثواني لاني مش هاستحمل...
مش عايز اسمع عن الصحابه واقول يارتني ابقى معاهم وانا حاسس انى مشلول ومش بتحرك...
مش عايز اشوف اللى بيحصل كل يوم فى الدين والمسلمين وبعد ماتنرفز .. اقول ماهو بسببي وبسبب كل اللى زي...ويا سلام اما اسمع الدعاء للمستضعفين فى كل مكان... واحس قد ايه انا مقصر وقد ايه انا فى نعمه مش مقدرها... ولا هاقدرها الا اما تـتاخد مني..

خلاص... انا عرفت الطعم ودوقته... وحبيته اوي... عايز افضل طول حياتي كده....


فين بقى لحظة الشجاعة دي؟
نقدر نعملها مع بعض... هنا او بينا وبين نفسنا....

ورقة وقلم؟

ايوة... بس بسرعة... مافيش وقت...

هانكتب ايه...

هاكتب حالي... حالي هناك وحالي هنا...
هاكتب حالي اول يوم.... قلبي في اول صلاة تراويح... دموعى مرة نزلت فى رمضان اللى فات... كانت على ايه؟
توبة؟
ولا فرحة؟
وحشة؟
ولا اشتياق؟

طمع؟ و خوووووووووف؟

اول مرة بكيت فيها رمضان اللى فات كانت ليه؟
طب اكتر مرة بكيت فيها من قلبك في رمضان اللى فات ولا اللى قبله؟
كان ايه حالة قلبك؟
كان ايه شكل يومك؟

بعد دموعك دي... نويت على ايه؟ عملت ايه؟ روحت فين؟
ياترى وصلت للمكان اللى انت فيه دلوقتي؟
النهاردة انت واقف عند المكان اللى نويت عليه يوم مابكيت من قلبك؟

النهاردة... انت بتعمل اللى يخليك رمضان اللى جاي... تبكي بفرحة وطمع في الفردوس الأعلى؟
ولا هايخليك تبكي ندم انك برضوا ضيعت ووقفت ولا اتحركت...

النهاردة.. انت قلبك مع مين... بتفكر في مين... وكام مرة في اليوم؟
مركز في ايه؟
ايه اللى واخدك... هو ولا هي؟
عارف مين هو؟؟

هو اللى كرمك... وقبلك السنة اللى فاتت... وامهلك للسنة دي...
وانت برضوا... !! قلبك متعلق بيها....

هي مين؟
اللى بتغويك... وواخداك ومشيلاك همها... ومش بتاخد منها الا ضحكة لثانيه.. ودموع ساعات...
ولا قادر تسيبها.. ولا قادر تقولها سيبني بقى.. انا ورايا حاجات كتير...
طريقك مش هايوديني للى انا عايزه...

النهاردة ودلوقتي حالا... مين اللى واخدك؟ وواخدك لفين؟ وبتفكر في ايه؟
تعرف تكتب سطر او سطرين.. توصف حالك... بين ليلتها... وبين النهاردة؟

الرجوع الى أعلى الصفحة اذهب الى الأسفل
http://love4ever.forum0.net
Admin
ســنــد ر يــلا
ســنــد ر يــلا
Admin


عدد الرسائل : 650
العمر : 37
تاريخ التسجيل : 04/09/2007

قرب رمضان @ احظة صراحة؟؟ Empty
مُساهمةموضوع: رد: قرب رمضان @ احظة صراحة؟؟   قرب رمضان @ احظة صراحة؟؟ Icon_minitimeالخميس سبتمبر 06, 2007 2:56 am

ميرسى جدا جدا على التوبيك الجامد يا سامى
الرجوع الى أعلى الصفحة اذهب الى الأسفل
https://kkkkkkkkkkkkkkkkkkkk.ahlamontada.com
 
قرب رمضان @ احظة صراحة؟؟
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
$$&(نــغــمــا ت الســنــدريــلا)&$$ :: الفئة الأولى :: المنتدى الاسلامى-
انتقل الى: